Mahai jokoen erabilera sustatzeko asmoz egin dute ate ireki ekitaldia. Jolas mota asko izan dituzte, adin tarte zabalari zuzendutakoak eta hainbat pertsonekin jolasteko modukoak. Joseba Goikoetxea Jolasenean taldeko kideak azaldu du jolas kooperatiboak eta konpetitiboak izan dituztela. "Partxis jokotik harago badaude beste jolas batzuk", azaldu du.
Familian jolas egiteko giroa
"Etxeetan galduta dago mahai inguruan familiakoak batu eta jolasean ibiltzeko. Bakoitza bere aldetik ibiltzen da; ordenagailuarekin, mugikorrarekin... Bada, mahai inguruan jarri eta jolas egiteko ohitura hori zabaldu gura dugu. Sozializazio modu bat da", nabarmendu du.
