Gaztetxokoaren irekierarekin batera –azaroak 4 eta 5– bertaratu ziren gazteek batzarra egin zuten nolako gaztetxokoa gura duten hausnartzeko eta erabakitzeko. "Asteburu osoan zehar, gaztetxoekin aurrera eramandako elkarrizketetan hainbat ekintza zehaztu ditugu", azaldu du Amaia Arana hezitzaileak.
"Esaterako, laster asteburu pasaren bat egingo dugu, zineaz gozatuko dugu gaztetxokoan, afaria ere egingo dugu… ", gaineratu du Aranak.
Interesa duten gaztetxoek oraindik ere izena eman dezakete: "Gaztetxoak jada izena ematen hasi dira, baina eperik ez dagoenez, oraindik ere gehiagok emango dute izena. Aipatu bezala, 63 dira aurten gaztetxokoan izena emateko aukera duten gazteak –12-15 urte bitartekoak, DBH 1, 2 eta 3–".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.