Elorrietak, bere mundu ikuskerara gerturatuko dio ikus-entzuleari kantuak sortu zituen era berean eskainiz: biluzik, munduratu ziren bezala. Gernikan jaio zen Eñaut Elorrieta 1975an. Lugarri folk taldean hasi zuen bere musika ibilbidea. Gayarre musika eskolan musika eta gitarra klasikoko ikasketak egin zituen. Ken Zazpi taldearen sortzaile, konposatzaile eta kantaria izan da urte luzez; bederatzi disko grabatu dituzte elkarrekin.
Sarrerak 10 euroren truke salgai jarriko dira aurrez, azaroaren 13an, astelehena udaletxean eta liburutegian.
