goiena.eus

Aiherra-Antzuola senidetze eguna ospatzeko Lurramako azokara irteera

  Gizartea  Antzuola

Aurtengo senidetze eguna ez da Aiherran ospatuko, Miarritzen baizik. Bertan egiten den Lurrama Iparraldeko laborantzaren azoka ezagutzeko aukera izango da azaroaren 11n. Bertara joateko izen-ematea zabalik dago jada.

Aiherra-Antzuola senidetze eguna ospatzeko Lurramako azokara irteera
Lurrama azoka (Argazkia: Iparraldekohitza.eus) | Ikusi handiago | Argazki originala

Aurreko urte batzuetan ere Antzuolako edo Aiherrako mugetatik irten, eta bakoitzaren herrian edo inguruan dagoen toki, inguru edo berezitasunak ezagutzeko aukera izan izan dute parte-hatzaileek. Aurten Miarritzen ospatzen den Lurrama Iparraldeko laborantzaren azoka ezagutzeko aukera izango dugu.

Egun osoan hamaika jarduera izango dira bertan: ardiei ilea moztea, gazta egitea, artzain txakurrak, ezti ateratzea, behiak jaistea, umeentzako ikuskizun eta puzgarriak, lehiaketak...

Hauxe da senidetzerako antolatuta dagoen programa:

  • 8:15- Antzuolatik irteera
  • 10:00- Miarritzera iritsi.
  • Azoka ikustea.
  • 14:00- Bazkaria.
  • Bazkal osteko animazioa.
  • 18:30era etxera abiatzea.

Izen-ematea: udaletxean, telefonoz (943 766 246) edo emailez (kultura@antzuola.eus)

Azken eguna: azaroak 3, zapatua, 14:00etan. Udaletxean

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa