Katrin Garfootek irabazi du Antzuolako etapa

Josu Bilbao Atxutegi 2017ko mai. 19a, 19:22

Giro bikaina bizi izan da Antzuolan Emakumeen Birako hirugarren etapa gertutik jarraitzeko. Antzuolarrak kaleetara irten dira txirrindulariak animatzera, eta garaipena Katrin Garfoot australiarrak lortu du.

Orica taldeko Katrin Garfoot australiarra gailendu da Antzuolan hasi eta bukatu den Emakumeen Birako 3. etapan. Garfoot bakarka heldu da helmugara, faboritoen tropeletik ihes egin ostean, eta liderraren elastikoa jantzi du. Euskaldunik onena, beste behin, Ane Santesteban errenteriarra izan da.

Deskargako lehenengo maldetan erasoa jo du Cervelo taldeko txirrindulari batek, eta mendateko gaina bakarka zeharkatu duen arren, faboritoen tropelak aise irentsi du. Oñatitik Antzuolarako bidean Garfootek jo du erasoa, eta helmugara segundo polit batzuen abantailarekin heldu da. Ondoren faboritoen tropeltxoa sartu da, eta  Antzuolako helmugan, Soraya Paladin izan da bigarren, eta hirugarren Annemiek Van Vleuten.

Etapa hasieratik bukaerara jarraitzen antzuolar ugari batu dira herriko plazan eta inguruetan. Deskargako mendatean ere zale asko batu dira txirrindulariei animoak emateko. Batez ere, euskaldun onenaren saria jaso duen Ane Santesteban txalotu dute podiumean.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak