Errepide gaineko zubiak kolpe handia jaso eta mugitu egin da

Mirari Altube Arrese 2017ko mar. 16a, 10:40
Antzuolako zubia mugituta.

Ibilgailu handi batek kolpea eman zion Antzuolako errepidea zeharkatzen duen zubiari eguazten goizaldean eta mugitu egin du hori. Mugimendu horren ondorioz eskudelak apurtu egin dira, baita bertatik pasatzen diren kanalizazio batzuk ere. Hala ere, oinezkoak pasatzeko eragozpenik ez dago.

Zubia ez dela apurtu adierazi du Valen Moñuxek, Hirigintza tekinkariak. "Ibilgailu handi batek kolpe handia eman zion eta desplazatu egin zuen tableroa; herri aldeko punta metro bat gutxi gorabehera eta hilerriko puntan metro erdi". Kolpe oso handia izango zela gaineratu du, tableroak 50 tona dituelako.

Desplazamendu horren ondorioz barandak apurtu egin dira; bertatik pasatzen diren kanalizazio batzuk, argindarra eta ura, ostera, mugitu egin dira baina ez apurtu. "Nahiz eta kolpe handia hartu, tableroa ez da apurtu eta ez dago eragozpenik oinezkoen pasoa mantentzeko. Desplazamendua handia izan da, baina tableroaren euskarriak oraindik nahikoak dira. Hortaz, egoera ez da larria". Hala ere, konponketak egin behar direla gaineratu du zubia lehengo egoeran uzteko.

Istripua eguazten goizaldean

Istripua eguazten goizaldean, 4:00ak aldera, izan zela argitu du Moñuxek. "Behar diren erantzukizunak ezartzeko hasi gara aztertzen zein zen inplikatutako ibilgailua eta kontsultak egin ditugu Eusko Jaurlaritzako Trafikoan, Aldundiko Errepide Sailean eta Ertzaintzan". Oraindik ez dutela datu zehatzik jakinarazi du, baina erantzunen bat laster jasoko dutelakoan dago.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak