Aratusteak 2017

Dantza erakustaldiaz eta herri bazkariaz hasi dute aratuste domeka Antzuolan

Mozorroak soinean, Oinarin dantza taldekoek erakustaldi aparta egin dute plazan. Hartza, hezitzailea eta tximinoa, Antzuolako aratusteetako pertsonaiak ere bertan izan dira, noski. 14:30ean bazkaria egin dute frontoian, eta arratsaldean, berriz, mozorro jaia izango da.

Oinarin dantza taldekoak kalean ibili dira lehenik sorgin-dantza egiten, eta ondoren, 12:30ean plazan elkartu dira guztiak ikuskizun nagusirako.

Aratusteetan dantzatu ohi dituzten dantzak plazaratu dituzte bertan: Valcarlos, sorgin dantza, arku dantza desberdinak... Lehenengo umeak atera dira plazara, eta ondoren, berriz, helduak. Bukaeran, aldiz, guztiek batera egin dute dantza, plaza kolorez bete dutelarik.

Aratusteetako pertsonaiak

Dantzariak erakustaldia egiten zebiltzaten bitartean, hartza umeak beldurtzen ibili da inguruan; dena den, zorionez hezitzailea zoan berarekin, eta hark kontrolatu du animalia, inork minik hartu ez zezan. Bitartean, tximinoa ikusleak zirikatzen ibili da, eta dantza egiten ere animatu da.

Ordubete inguru iraun du dantza erakustaldiak, eta ondoren bazkaria egin dute frontoian, arratsaldeko mozorro jairako indarrak batzeko.

Erlazionatuak

Aratuste domekako dantzak eta bazkaria

Antzuola

Jende pilatxoa batu da plazan Oinarin dantza taldekoen emanaldia ikusteko. 40 dantzari inguruk hartu dute parte, eta hartza, hezitzailea eta tximin...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.