Gaztiak eta Jo Ta Ke taldeak irabazle Antzuolako 24 orduetan

Jokin Bereziartua Lizarazu 2016ko abe. 30a, 13:01
Ezkerrean, Gaztiak taldea; eskuinean, Jo Ta Ke.

Abenduaren 28an eta 29an jokatu ziren areto futboleko 24 orduak Antzuolan. Bederatzi taldek hartu dute parte; emakumezkoetan, Gaztiak taldea izan da irabazlea eta gizonezkoetan, berriz, Jo Ta Ke izan da talderik onena. "Giro paregabea izan dugu frontoian, txapelketak aurrera egin ahala, gora egin duena", adierazi dute antolatzaileek.

Bederatzi talde horietatik hiru emakumezkoenak izan dira eta gainerakoak gizonezkoez osatutakoak. Emakumezkoen finala Gaztiak eta Bake taldeek jokatu zuten eta Gaztiak izan zen irabazlea; talde horretako Jone Jauregi izan zen golegilerik onena. Gizonezkoetan, berriz, Jo Ta Ke eta Redtube Boys izan dira finalera iritsi diren taldeak; Jo Ta Ke-k irabazi du eta Iker Olalde izan da golegilerik onena.

Unai Prietoren aldeko saskia

Txapelketaren bueltan, herriko gazteek antolatuta, Unai Prietoren aldeko saskirako txapelketa salmenta izan dute. Txapelketaren amaieran egin zen zozketa frontoian bertan, eta zenbaki saritua 2.317 izan da. Jabea berriz, Jon Madariaga. "Zozketako arrazoiarekin eta Unairen familiarekin bat egin nahirik, Antzuola Kirol Elkarteak erabaki du egunotan tabernan ateratako dirua ere familiari ematea", gaineratu dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak