Euskarazko kantugintzaren transmisioa du helburu Baga, Biga, Higa proiektuak. Euskal musikagintzaren historia, erreferenteak eta zaletasuna sustatzeko proiektua da. Torresoroan aurkeztu dute gaur eta bete egin da aretoa. Markezek eta Elorrietak, hitzaldia egin bai, baina abestu ere egin dute tarteka.
Hitzez bakarrik ez, kantuz ere islatu dute Mikel Markez eta Eñaut Elorrieta musikariek Baga (iragana), Biga (oraina) eta Higa (etorkizuna). Bost ataletan banatuta aurkeztu dute euskal musikaren historia: 1960ko hamarkada artekoa, 1960 eta 1970eko hamarkadak; 1980ko hamarkada; 1990ekoa eta azkenik 2.000. urtetik gaur egunera artekoa.
Bilketarako eta transmisiorako euskarririk bariko garaietan hasi eta disko biniloen aroa (1960 eta 1970eko hamarkadak), casetten aroa (1980ko hamarkada), CD-en aroa (1990) eta Mp3en aroa (XXI. mendea) jorratu dituzte.
