Astelehenean batu ziren Auzoko ekimeneko emakumeak: "Oso ondo pasatu dugu; barre ugari egin dugu eta hitzen doinuekin jolas egin dugu", azaldu du Auzoko proiektuaren dinamizatzaile Maite Telleriak. Eta horixe zela helburua hain justu ere gaineratu du. Talde polita batu direla dio: "Errepublika Dominika, Nikaragua, Maroko, Mexiko eta Euskal Herria ordezkatu duten emakumeak elkartu dira". Modu horretan, hizkuntza aniztasuna aprobetxatuta, hitzen arteko fonema eta monema jolasak aberatsagoak egin dituztela dio.
Eta, azaroak 25, Indarkeria Matxistaren Kontrako Nazioarteko eguna izanik, indarkeria matxista ere izan zutela berbagai azaldu du. Elkar mimatuz Abenduan, elkar mimatuko dira auzotarrak eta auzokideak: "Hurrengo hilabeterako saioari Alkar mimatuz deitu diogu eta bertan, masajeak, aurpegiko edertze tratamenduak eta beste, elkarbanatuko ditugu". Antzuolako emakumeek ateak zabalik izango dituzte.