Euskara erabiltzearen garrantziaz jardungo dute antzuolarrek

Azaroaren 17an, eguena,  euskara izango da protagonista Antzuolan. Egun horretarako makina bat ekintza antolatu du Udaleko Euskara sailak gaztetxo zein helduekin euskarak daukan garrantziaz jarduteko.

Hala, 16:30ean, umeendako txokolatea banatuko dute eskolako patioan. "Murala egin gura dugu momentuan umeekin eta gurasoekin batera. Eurekin euskararen garrantziaz berba ere egingo dugu eta Antzuolako egoera zein den azalduko diegu. Herri txiki batean euskaraz jarduteak daukan garrantzia ere azalduko dugu", kontatu du Euskara zinegotzi Jon Ugarteburuk. "Musika, dantza eta sorpresaren bat edo beste ere izango da".

Ondoren, 18:30ean Olaranen, Kike Amonarrizek hitzaldia eskainiko du: Euskara bidegurutzean Antzuolan: erabili ala baztertu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.