Arrola elkartean gustura dira Egun Mikologikoak egitasmoak emandakoarekin. "Gure asmoa izan da herritarrei erakustea inguruan zein perretxiko ditugun, eta mundu hori neska-mutikoei ere gerturatzea. Eguraldiak ez du asko lagundu, baina helburu didaktikoa bete dugula uste dut", esan du Arrola elkarteko presidente Juanma Lasak.
Ez da lehenengo aldia Antzuolan erakusketa mikologikoa egiten dutela, baina urte asko dira azkenengoa egin zenetik. Gaur goizean 50 bat espezie erakutsi dituzte Olaran etxean ipinitako erakusketan. Mahai batean gainean jarri dituzte txukun-txukun sailkatuta.
Herri Eskolako neska-mutikoek egubakoitzean egindako irteeratik ekarritako perretxikoekin eta atzo goizean hamar bat herritarrek egindako irteeratik ekarritakoekin osatu dute erakusketa. "Guztiak ziren Antzuolan batutako perretxikoak. Basoan, egia esan, perretxiko gutxi dago. Lurra siku dago. Akaso egunotako euriarekin aterako dira gehiago", esan du Lasak.
doemkan erakusketa