"Elkarrekin eta euskaraz bizitzea posiblea dela erakusten diguten proiektuak dira, eta horretarako ezinbestekoa da euskaldunon ekarpena. Mezu hori zabaltzen laguntzeko egin da dokumentala", azaldu dute.
Olarango emanaldian, 40 pertsona inguru batu zen. "Dokumentala ikustera etorri ziren herritar guztiei eskerrik asko. Giro goxoan elkartu ginen, eta guztiek dokumentala hunkigarritzat jo zuten; bidaltzen duen mezua oso positiboa dela ere komentatu zuten", azaldu du Auzoko ekimeneko dinamizatzailea den Maite Telleriak. "Egitasmoan parte-hartzen duten auzotarren borondatezko lana eskertu gura dut. Haiek gabe Auzoko egitasmoak ez luke existituko. 20 pertsona inguru dira zuzenean parte hartu dutenak eta beste horrenbeste zeharkako modu baten Auzokora hurbildu direnak: haurrak, gazteak, helduak, emakumeak eta gizonak. Herritarren artean ezaguna den proiektua da, Antzuola herri solidarioa dela argi geratu da beste behin", nabarmendu gura izan du Telleriak.
Eguenero saioak
Auzoko ikasturtea hasi da. Urrian eguenetan egingo dira saioak Olarango lehen solairuko lehen gelan, 17:30ean.