Argazkien euskarria 30x40 zentimetrokoa izango da ezinbestez, eta kartoi finez eginikoa; kartoia krema edo beige kolorekoa izango da. Euskarri horren barruko argazkiaren neurria, gehienez, 25x 35 zentimetrokoa izango da.
Argazkiak egileari buruzko datu barik aurkeztuko dira, baina argazki bakoitzari atze aldean izenburua ipiniko zaio. Argazkiarekin batera, kartazal itxia aurkeztuko da: kartazalaren gainean lanaren izenburua eta zein kategoriatan parte hartzen duen jarriko da; kartazal barruan, berriz, parte-hartzailearen datuak eta argazkiaren izenburua sartuko dira.
Lanak baloratzerakoan, kalitate teknikoa eta artistikoa eta adierazteko originaltasuna hartuko dira kontuan.
Aurkezten diren argazki guztiekin erakusketa egingo da azaroaren 26, 27an, abenduaren 3an eta 4an, Olaranen. Erakusketa bukatu eta gero egileak udaletxean jaso ahal izango ditu argazkiak hilabetez. Epe hori bukatu eta gero Udalak erabakiko du argazkiokin zer egin.
