Luzaketak egiteko ikastaroa
Pili Arinek gidatuta, luzaketak ondo egiten ikasteko bi saio praktiko antolatu ditu Landatxopek urrian. Izan ere, asmoa da nagusiek modu osasungarrian luzaketak egiten ikastea. Bi saio eskainiko dira Olarango ekintza aretoan: urriaren 4an eta 11n, 10:00etan. Parte hartzea gura duten herriko erretiratuek izena emateko aukera dute Landatxopeko bulegora jota irailaren 26an eta 27an, 16:00etatik 18:00etara bitartean.
Mugikorra erabiltzen ikasi
Eta bestetik, telefono mugikorra erabiltzen ikasi edo hobetu nahi duten erretiratuendako ere antolatu du elkarteak. Ikastaroa jaso nahi duenak izena emateko azken eguna gaur, egubakoitza du Landatxopen, (16:00-18:00). Ikastaroa, izena ematen dutenen arabera antolatuko dute. Helburua da, pantaila nola erabiltzen den ikastea, kontaktuak sartu eta ezabatzen jakitea, mezuak bidali eta jasotzea eta Interneta erabiltzen ikastea, besteak beste.