Helburua ez da errendimendua
Kross Running- Korrika taldearen helburua Antzuolan dagoen korrika zaletasunari elkargune bat eman eta guztion beharrak eta nahiak bateratzea da. Entrenamenduaren oinarrizko nozioak ikusi eta praktikan jarriko dituzte. Horrez gain, gimnasioko materialaz baliatuta gorputz orekatua bilatzen eta lan osagarria egiten ahaleginduko dira. Korrika hasi nahi duenarentzat talde aproposa izango da.
Taldearen helburua ez da errendimendua; ongizate egoera eta ariketa ludiko eta entretenigarria bilatzea baizik.
Ordutegia eta prezioa
Ikastaroa martitzen eta eguenetan izango da, 17:45ean. Gimnasioko abonatua izatea nahikoa da taldean apuntatzeko. Hileko abonua da: 22,5 euro; eta, urteko abonua: 210,4 euro.
Ikasturte berriak berrikuntza aipatutako berrikuntza hori izango du; baina, horrez gain, betiko saioak ere eskainiko dituzte: sarrera librea, body tono, spinning, zunba, pilates, hipopresiboak, k-strech, krossfit... eta beste.
Informazio gehiago gimnasioan bertan
Gimnasioko arduradunek eskerrak eman nahi dizkie erabiltzaileei, eta gonbita luzatu dute ikasturte berriko eskaintzaz disfrutatzeko. Informazio gehiago gimnasioan bertan, 943 76 66 61 telefono zenbakian edo antzuolakogimnasioa@gmail.com helbidean.
