Uztailaren 8an, egubakoitza, 18:30ean egingo du Olaranen Antzuolako Kirol Elkarteak urteko batzar nagusia. Bertan, hiru batzordekide berri aukeratuko dituzte. Gainera urteko balorazioa egingo dute eta kontuen berri ere emango dute.
"Aurten 146 jokalari izan ditugu bost taldetan banatuta: lau mutilen taldeak izan dira eta bat neskena. Denboraldi berrian ordea, saiatu garen arren, ezinezkoa izango da nesken taldea edukitzea", argitu du Mikel Kerexeta presidenteak.
Lapurretak
2016an, bost lapurreta jasan dituztela azpimarratu dute: "Kalte ekonomiko handiak eragin dizkigute lapurretek; ondorioz, desfibriladore berria erosi behar izan dugu (3.000)".
Hastapeneko futbol eskola
Lehenengoz, hastapeneko futbol eskola izango da Antzuolako Eztala zelaian. "Alebin eta benjamin mailetako 50-60 neska-mutiko batzea gura dugun futbol eskola sortu nahi dugu", argitu du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak