"Antzuolarrei bertan parte hartzeko deia egiten diegu, Euskal Estatuari Bai esateko hamaika arrazoi dauzkagulako:
Euskal Estatuari bai esateko hamaika arrazoi:
1.) Euskal Herria munduan aitortua izateko eta bere biziraupena bermatzeko ezinbestekoa
delako. Geure buruaren jabe izateko aukera bakarra delako.
2.) Euskal demokrazia parte-hartzailea, zuzena, hurbila eta herritarra nahi dugulako, euskal
herriaren eskakizunak, nahiak eta beharrak barne hartzen dituena.
3.) Hobeto bizi nahi dugulako. Geure etorkizun ekonomiko eta soziala eraikitzeko burujabetza
osoa behar dugulako.
4.) Justizia sozialean, berdintasunean eta eskubide sozialetan oinarritutako jendarte solidarioa
eraiki nahi dugulako: lanpostu, etxebizitza eta bizimodu duinerako eskubide erreala;
zerbitzu publiko sendoak eta unibertsalak; babes sozialerako sistema indartsua; pentsio
duinak; aberastasunaren banaketa justua; … Hau da, pobrerik gabeko Euskal Herria nahi
dugulako.
5.) Herritar eleaniztunez osatutako Euskal herri Euskalduna nahi dugulako. Herritar guztiei
inolako menpekotasunik gabe euskaraz bizitzeko aukera eskaini behar zaielako. Munduaren
aurrean euskaldun gisa agertu nahi dugulako eta euskal kulturak munduan bere tokia izan
behar duelako.
6.) Geure hezkuntza sistema, Euskal Herriaren beharren arabera, askatasun osoz garatu nahi
dugulako, oinarrizko hezkuntzatik goren mailako ikerketa esparruetaraino.
7.) Gazteriari eta ondorengo belaunaldiei Euskal Herrian bertan zoriontsu bizitzeko etorkizun
bat eskaini nahi diegulako.
8.) Egungo eredu patriarkalaren injustizia gainditu eta emakume ta gizonen arteko benetako
parekidetasuna nahi dugulako.
9.) Ustelkeria, genero indarkeria, diskriminazioa, eskluzio soziala, arrazakeria, eta abar luzea
behin betirako desagertu eta jendarte berri bat eraiki nahi dugulako.
10.) Dibertsitatean oinarrituta, bakoitzaren jatorri eta sentimendu identitarioen gainetik
eta familia politiko zehatzetatik harago, guztiontzako eta guztion artean, etorkizuneko
proiektu erakargarria eta ilusioz betea gauzatu nahi dugulako.
11.) Herritar libre eta zoriontsuen herri librea nahi dugulako", arrazoitu du Independentistak sareak.
