"Aurten San Isidro eguna indartzearen aldeko apustua egin dugu eta gustura gaude izan duen erantzunarekin", azaldu du Jone Larrañaga kultura teknikariak.
Kukumarro lehiaketako sariak ere banatu dituzte. Bost lan aurkeztu dira aurten. "Lan sarituak izan dira: Erain Debagoienak irudikatutako kukumarroa; gaztetxo talde batek egindako 'AntzuOntza' kukumarroa eta erretiratuek siriako egoera salatzeko egin dutena izan dira", azaldu du.
Eguerdiko ordubatetan Erain Debagoienako kantua aurkeztu dute. Aurkezpena talo postuaren aurrean egin dute musikariek giroa berotuz.
Arratsaldean gehiago
16:00 Goitibehera lasterketa Iralatik Ibarrera.
18:30-20:30 Erakusketa: Jaietako zapiaren lehiaketara aurkeztutako lanen erakusketa. Herritarrek gustukoena boto bidez hautatzeko aukera izango dute.
19:00 Goitibehera erakustaldia Antiguatik Plazaranzko bidean. Sari banaketa Herriko plazan.
19:30-21:00 Trikiteens taldearekin erromeria Zurrategin.
22:30-1:30 Trikiteens taldearekin erromeria Zurrategin.