Peña Ayastuy taldeak antolatutako Uzarragako 42. igoera izango da zapatu honetan, eta bertan, junior mailako 100 txirrindulari inguruk hartuko dute parte. 81 kilometro egin beharko dituzte parte-hartzaileek, eta 16:00etan hasiko da lasterketa Antzuolako Aiherra kalean. Helmuga 18:00etan izango da Uzarraga gainean.
Iaz, Iñigo Elosegi bizkaitarrak irabazi zuen lasterketa, helmugatik 300 metrora erasoa jo eta bigarrenari hamaika segundo aterata. Debagoiendar onena, berriz, Julen Umerez Oñatiarra izan zen, eta hamabigarren postuan iritsi zen helmugara. Debagoiendar askok hartuko dute parte lasterketan, baina faboritoa Mikel Arregi antzuolarra izan daitekeela adierazi du Jon Unamunok, Lokatza taldeko lehendakariak.
Mikel Arregiren esperantzaz
Jon Unamunok adierazi duenez: "Mikel Arregi antzuolarraren bigarren urtea da jubeniletan eta oso ondo ari da Ulma taldean. Seguru, etxean garaipena lortzea izango duela helburu".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak