Miren Gallastegi sozialista bozeramaileak adierazi du Europar Batasunari eta berau osatzen duten 28 estatuei, siriarren egoera larriari erantzun azkar bat ematea dela ekimen honen helburua. Nazioarteko asilo politikorako eskubidea bortxatzen duen edozein akordio edo neurri bertan behera uzteko eskatzen du mozioak.
Ekimen hau apirileko osoko bilkuran eztabaidatu eta bozkatu dute Udal taldeek. "Manifestu honekin, Europa osoko giza erakundeek, sindikatuek eta alderdi politikoek bat egin dute. Hala, Antzuolako osoko bilkuran onartuz geroz, Antzuolako Udalak siriarrek asilo politikoa eskuratzeko ahaleginean urrats bat gehiago ematea ahalbideratuko du", dio prentsa oharrak.
