"Parte-hartze handia izan da lehengoz burutzen den lehiaketa izateko", diote Sergio Moreno eta Iker Aizkorbe epaimahaiko kideek. "Nahiko zaila izan da, baina, azkenean, Mendi astea ondoen deskribatzen duen argazkia irabazle izatea erabaki dugu".
Bigarren saria Lierni Zubillagaren Lasaitasunaren isla erretratuarendako da eta hirugarrena Ion Iturberen Aizkorri lanarendako. Lehiaketara aurkeztutako lanetatik 20 aukeratu dituzte erakusketan jartzeko. Olaranen izango dira ikusgai otsailaren 19tik 21era, 18:30etik 20:30era.
Filmak eta haurrendako jolasak
Otsailak 19, MendiTour, Bilboko MendiFilm jaialdiko hiru dokumental eskainiko dira: Dominica, High and mighty eta Eff lowe's Metanoia. Torresoran izango da emanaldia 19:30ean eta sarrera sei euro da. Arrolak antolatutako Mendi astea borobiltzeko, domekan mendi bizikleta irteera egingo dute Legazpiko gurutzetik barrena Arrolara. Herriko Plazatik irtengo dira goizeko bederatzietan.
Eta goizeko hamaiketan, haurrendako kirol jolasak izango dira eskolako gimnasioan eta patioan. Besteak beste, eskalada, orientazioa edo slackline kirolaz gozatu ahalko dute herriko gaztetxoek.
Bigarren saria:Lierni Zubillaga
Hirugarren saria: Ion Iturbe
