Musika eta jolasak Santa Zezilia eguna ospatzeko

Musikarien eguna, domekan, azaroaren 22an, ospatuko da. Hala, Santa Zezilia egunean musika izango da protagonista nagusia. Bereziki, herriko gaztetxoendako ahalegina egin gura izan da. modu horretan musika eta kantua protagonista izango dira Xabier Lizaso eskarmentudun piano-jotzailearen eskutik. Lizasok, Izeba tekla izeneko euskarazko ikuskizun musikatua eskainiko du Torresoroan 18:30ean hasita.

Xabier Lizaso (Orio, 1965) autodidakta da eta bere kabuz ikasi zuen pianoa jotzen. Gerora, bere formakuntza osatu zuen Donostia, Sevilla, Londres eta Varsoviako musika kontserbatorioetan.


'Izeba tekla'
Domekako ikuskizun musikatuan, Lizaso piano-jotzailea ez da protagonista izango. Belarria eta arreta lantzeko bost joko proposatuko ditu eta taldeka naiz bakarka egin beharko ditu ikusleak joko horiek. Lizasok dio, familia osoarendako ikuskizuna dela eta kantuan joango direla haurrak eta gurasoak etxera.


Txistulariak kalez kale

Txistularien kalejira egingo da domekan Santa Zezilia, musikarien eguna, ospatzeko 19:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.