Izan ere, musika ibilaldi klasikoenetik –Bach, Mozart, Khachaturian, Haendel eta Tchaikovski–, modernoenerainoko bidea egiten du ikuskizunak txikitxoen gozamenerako. Abesti modernoenen artean izango dira entzungai Elvis Presley eta The Beatles talde ezagunen zenbait kantu. Aise errekonozituko dituztela gaztetxoek dio Itsaso Azkarate zuzendariak.
Hala, txotxongiloek bizitzaren bidera, trenez eramango du ikuslea. Txotxongilo horiek maneiatuko dituztenen artean dago Iñaki Mata antzuolarra ere. Matari, Itsaso Azkaratek eta Karlos Odriozolak lagunduko diote aktore lanetan txotxongiloei bizitza eta espresioa emateko.
Txotxongiloak
Txotxongiloak Taun Taunek egindakoak dira. Elementu eta material sinpleekin egindakoak dira gainera: plastikoaz, egurraz eta gomaz, besteak beste. Protagonista baina, besteekiko nabarmenagoa da. Izan ere metro bateko txotxongiloa da eta eszenatokia bete egiten du.
Batuta txotxongilo emanaldia, domekan, azaroaren 15ean, izango da Torrerosoan, 19:00etan.