Basalde auzoko Zorroztarrieta baserriko bizilagunek errepidearen egoera oso arriskutsua dela diote. "Egoera oso txarrean dago errepidea; guztiz zartatuta dago eta zuloak ditu. Bost familia egunero-egunero bertatik igarotzen da eta oso arriskutsu dago. Gainera, negua badator. Ekainetik gaude konponduko ote digutenaren zain. Diputazioarekin hitz egin arren geldi dago egoera".
Lanak egingo dira
Diputazioak azaldu du urtea amaitzerako konponketa lanak egingo direla. "Konponketa probisionala izango da. Izan ere, Antzuola-Bergara errepideko lanak amaitu bitartean, bide horretatik kamioiak pasatzen jarraituko dute-eta. Behin lanak amaitzen direnean, baserri-bidea modu egokian konponduko da", azaldu dute.
Aintzane Oiarbide Azpiegitura diputatuak dio Antzuola eta Bergarako alkateekin bildu zela eta biei galdetu ziela kexaren bat ba ote zegoen. Erantzuna ezezkoa izan zela dio.
Antzuolako alkateak, Beñardo Kortabarriak, argitu duenez, diputazioarekin lanen epeen gainean jardun zuen eta egiteko dauden bestelako lanak ere gogorarazi zizkion batzar horretan Oiarbideri.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
