'Eskura' hausnarketa-txostena aurkeztu du Gure Esku Dagok

Gure Esku Dago ekimenaren jarduera, antolamendua eta finantzamendua zehazteko, zortzi orriko Eskura izeneko hausnarketa-txostena aurkeztu dute. Atzo, esaterako, Antzuolan azaldu zieten herritarrei zer jasotzen den bertan eta zer egin behar duten txostenean jasotako ideiak baloratzeko eta ekarpenak egiteko.

Eskura eztabaida-txostena aurkeztu ostean, orain herritarrek bertan jasotakoa baloratu beharko dute bi modutara: puntu bakoitzari puntuazioa emanez eta ekarpenak eginez. Eta balorazio horiek egiteko bi modu izango dituzte; herrietan egingo diren bileretan parte-hartuta edo sarean sortuko den eztabaida foroan idatzita.

Bilerak

Antzuolan, esaterako, balorazioa eta ekarpenak egiteko bilera bi egingo dira: bata, datorren asteartean, eta, bestea, azaroaren 3an, biak 19:00etan Olaranen izango dira.

Pixkanaka-pixkanaka Debagoieneko gainontzeko herrietan ere iragarriko dituzte bilera horiek eta azaroaren 9ra bitartean egin ahal izango dira ekarpenak.

Azkenik, azaroaren 21ean, ezohiko batzar nagusian hartuko dituzte erabakiak. Bitartean, Eskura hausnarketan parte hartzeko gonbidapena egin dute ekimenetik.

Olaranen egin zuten 'Eskura' hausnarketa-txostenaren aurkezpena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.