Urriaren 21ean, eguaztena, Antzuolako Landatxope erretiratu elkarteak Arabako hiru herri bertatik bertara ezagutzeko irteera antolatu du. Hain justu ere, Villanañe, Valdegobia eta Gaubea Arabako hiru herrietara irteera egingo dute.
Herrietan barrena bisita gidatua egin ostean, bazkaria egingo dute eta ondoren, giroa berotzeko, dantzaldia egingo dutela ere aurreratu dute erretiratuen elkarteko antolatzaileek. Irteerara joan nahi duten Landatxopeko bazkideek izena urriaren 13an edo 14an eman beharko dute. Ohi moduan, Landatxopeko bulegoan arratsaldeko lauretatik seiak bitartean eman beharko dute izena interesa dutenek.
Autobusak 60 lagunendako eserlekuak dituenez, plazak mugatuak izango dira. Prezioa, aldiz, 30 euro da.
Irteera urriaren 21ean, goizeko bederatzietan herriko ohiko autobus geltokietan izango dela azaldu dute erretiratu elkartetik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak