"Kultura Batzordea denon artean herrian beharrezkoak ikusten ditugun proiektu eta ideiak bideratzeko tresna da: aukera desberdinak aztertu eta adostutako apustuak bideratzeko balio duen gunea. Baina hori benetan gauzatzeko, errealitate bihurtzeko, talde kultural, politiko eta herritar desberdinen arteko elkarlana beharrezkoa da. Hori bideratzen saiatzeko, hain zuzen ere, Kultura Batzordea indartu nahi genuke eta Batzordean erabaki Antzuolako kultur eskaintzak nolakoa izan behar duen. Garrantzitsua da herritarron beharrak eta nahiak gauzatu ahal izateko denon ahotsa entzutea. Horregatik, Kultura Batzordearen bilera irekirako deia egiten dizugu: lan ederra da denon artean gure herria sortzen joatea!", azaldu du Kultura zinegotziak.
Gaia: Datozen urteetarako kultur-asmoak Antzuolan
Eguna: Urriak 14, eguaztena
Ordua: 18:30.
Lekua: Olaran
Hausnarketarako eta lan-ildoak zehazteko bilera izatea nahi genuke.
Gai hauek jorratuko dira:
1. Antzuolako kulturaren ahulguneak eta indarguneak identifikatu.
2. Nolako kultura nahi dugu Antzuolan? Hausnarketarako tartea.
3. Ekintzak proposatu / indartu.
4. Kultura Batzordearen funtzionamendua adostu.