Diputazioko Flora eta Fauna departamentuko erreka zainak azaldu duenez, "Antzuolako errekak oxigenazio gutxi dauka eta egun hauetako beroak ez dio mesede egin. Xaboiak geratzen zen oxigeno apurra jan du eta horregatik hil dira amuarrainak". Aramaion edo Urretxun hilda azaldu direla amuarrainak ere gaineratu du. Bi kasuetan ibaien oxigenazio eskasa, beroa eta ur gutxi edukitzea izan direla arrazoiak azpimarratu du. "Oxigeno gutxi duen urari azukrea botaz gero ere, berdin-berdin hilko lirateke amuarrainak. Kasu honetan xaboia izan da ordea; horixe esan digu Diputazioko basozainak", gaineratu du Larrañagak. "Antzuolako kasuan, beste faktore bat ere badagoela dio erreka zainak: "Plaza eta Kalebarren arteko tarte hori kanal bat bezalakoa zela esan zigun, alboan hormak eta arbolarik ez, itzalik ez. Eta errekak landaretza behar du", azaldu du Beñardo Kortabarria alkateak. "Ez dira amuarrain gehiago hilda agertu eta kaltea txikia izan da. Gainera, erabilitako Xaboia organikoa da eta momentuz ez dago kalteak dituen umerik".
Erreka garbiketa
Uztailaren 25ean, zapatua, urtero moduan, gaztetxeak erreka garbitzeko deia egin du. Ondoren bazkaria izango da.