Antzuolako jaiak 2015

Domekako herri bazkaria Anje Duhalderekin elizako arkupeetan

Iaz bezala, Ez Dot Moztuko Bizarra taldeak antolatu du, eta 150 pertsonarentzako lekua egongo da. Fermin Balentziak ez du parte hartuko osasun arazoengatik. Bere ordez Anje Duhalde arituko da.

Uztailaren 19an, jaietako azken egunean, mahaiaren bueltan batuko dira Antzuolako herritarrak elizako arkupeetan. Eskubide zibil eta politikoen aldeko Ez Dot Moztuko Bizarra taldea izan da, bigarren urtez jarraian, domekako herri bazkaria antolatzeko ardura izan duena.

Aurtengo menua ondorengoa izango da: entsalada mistoa, oilasko-paella eta pastela; eta umeendako, makarroiak tomatearekin eta izozkia. 150 pertsonarentzako lekua egongo da, eta txartelak gaztetxean eta Aitz Garbi tabernan daude salgai, 14 eurotan helduenak eta 7 eurotan umeenak.

Iaz ere 150 bat pertsona bildu ziren domekako bazkarirako eta arkupeak bete egin ziren. 

Fermin Balentziak ezingo du

Bakarlari nafarrak osasun arazoak direla-eta ezingo du parte-hartu.  Bere ordez, Anje Duhalde arituko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.