Sanjuanetako dantzak eta sua udako solstizioa ospatzeko

Argazkiak: Jabi Etxaniz

Ekainaren 23an, martitzena, San Juan bezpera ospatuko dute antzuolarrek Herriko Plazan. San Juan eguna aldiz, Uzarragan ospatuko dute.

Udako solstizioaren etorrera ospatzeko, 20:00etan makala jasoko dute udalbatzako kideek, ohi den moduan Herriko Plazan; ondoren, sanjuanetako dantzak egingo ditu Oinarinek: San Juan zortzikoa, soka-dantza, arin-arina eta fandangoa. Horren ostean, sua piztuko dute, eta, aspaldiko ohiturari eutsiz, gailetak eta ardoa banatuko dituzte.
Uzarragan, hilaren 24an, San Juan egunean jasoko dute arbola, 19:00etan. Horren ondoren, txorizoa ardoarekin banatuko diete bertaratzen direnei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.