Ekainaren 26an, barikuan, elkartasun pintxoak banatuko ditu nepaldarrei laguntzeko Kalebarrenen 19:30etik aurrera. Kalebarrengo Jai Batzordea, Antzuolako Auzoko ekimena, herriko nepaldarrak (Ishor eta Saresh) eta Anelkar elkarlanean ariko dira elkartasun pintxoak banatzen. Euskal Herriko eta Nepaleko musika izango dute lagun.
"Kalebarrengo jaiak direla-eta, azken urtetan bezala zerbait egitea pentsatu dugu. Aurten, kontuan hartuta Nepalen gertatutako lurrikara, eta bailaran dagoen mugimendua, gure elkartasuna adierazteko ekintza hau elkarlanean egitea pentsatu dugu", azaldu dute Anelkarrekoek.
Hala, Nepaleko pintxo bat prestatuko dute: Pakoura. "Dastatu dugu eta benetan oso goxoa dago. Jasotzen dugun diru guztia, bailarako beste ekintzekin batera, Maitinepal GKEra bidaliko dugu".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.