Beñardo Kortabarria izendatuko dute datozen lau urteetarako Antzuolako alkate

Maider Arregi 2015ko eka. 12a, 09:47

Bihar, zapatua, osatuko da datozen lau urtetarako Antzuolako udalbatza berria. Kargu-hartze ekitaldia 12:00etan hasiko da udaletxeko osoko bilkura aretoan. Ima Beristainek alkatetzaren lekukoa pasako dio Beñardo Kortabarriari. Tinkotasuna eta malgutasuna irudikatzen duen zumitzezko uztaia jasoko du Kortabarriak.

Lehenengo, adineko mahaia osatuko dute. Hau da, zinegotzi zaharrena eta gazteena eseriko dira mahaiaren bueltan. "Lehendakaria zinegotzi zaharrena izaten da eta gazteenarekin batera eseriko da adineko mahaia osatuz; hortik aurrera, idazkariarekin batera emango zaio hasiera udalbatza eratzeko prozesuari", azaldu du Ana Hidalgo Antzuolako idazkariak.
Eta udalbatza berria eratzeko, zinegotzi bakoitzak banan-banan kargua hartu behar du. Kasu honetan lau aukera dituzte kargua hartzeko: "Formula ezberdinak daude: zin egitea, hitza ematea, zin egitea legearen indarrez eta azkenik, hitza ematea legearen indarrez", azaldu du  idazkariak.

Alkatea aukeratu

Zinegotziek kargua hartu ostean, udalbatza eratuta geratzen da. Ondoren, alkatea aukeratu behar da; eta zerrendaburu bakoitzak bere burua aurkeztuko du. Boto gehien lortzen duena izango da herriko alkatea: Berñardo Kortabarria, Basilio Ormazabal edo Miren Gallastegi. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak