Corpus jaiak ospatuko dira Ondarren asteburuan

Asteburuan, Gorpuzti jaiak ospatuko dituzte Ondarren. Auzotarrek adin eta gustu guztiendako festak antolatu dituzte. Hala, hilak 6, zapatua, eguerdiko hamabietan emango zaio hasiera festari. Gimkana egingo dute Peña Aiastuik antolatuta. Jarraian egitarau osoa:

Zapatua, ekainak 6

12:00: Gimkana, herriko challengearen barruan.
16:30: Umeendako jolasak.
17:30: Krosa.
18:00: Kidam magoaren saioa eta merienda.
21:00: Auzo afaria. Herriko jendearendako ere mahaiak jarriko dira, etxetik janaria ekarri eta Ondarren afaldu nahi badute. Ohi denez, auzora etortzen diren guztiendako kafe eta gainerakoak egongo dira, doan.
22:30: Erromeria, Andoni eta Uxue trikitilariekin. Atsedenaldian 12 txuleta eta sei botila-ardo zozketatuko dira.


Domeka, ekainak 7

11:30: meza. Ostean, prozesioa.
12:00: dantzarien saioa.
12:15: salda, pintxoak eta ardoa hurbiltzen diren guztientzat.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.