Bi bastoien laguntzarekin egiten da eta teknika berezi bat eskatzen du. Osasunarekin lotura zuzena daukala Nordic Walking-ak azaldu digu Xabier Azkarate, Eguzki gimnasioko arduradunak. Lesiorik ez izateko kirol jarduera egokia, segurua dela nabarmendu du Xabier Azkaratek.
Gimnasio barrutik kirola kanpora ateratzeko bide polita da zalantza gabe. Hala, herritar talde batek auzolanean egokitu eta konpondu berri duten Trenbide zaharrean praktikatuko dute Nordik walking-a antzuolarrek.
Izen ematea zabalik dago: antzuolakoudalgimnasioa@gmail.com eta 943 766 661 telefonora deituz. Guztira, 5 orduko hastapen eta hobekuntza ikastaroa izango da. Maiatzaren 29an arratsaldeko 18:30-20:30era eta maiatzaren 30ean goizeko 9:30-12:30 bitartean egingo da. Interesa dutenek Antzuolako udal gimnasiora joan daitezke informazio eske.