Aurten, hamar eskualdek parte hartuko dute (Bidasoaldea, Buruntzaldea, Debabarrena, Debagoiena, Goierri, Oarsoaldea, Tolosaldea, Urola Erdia, Urola Garaia eta Urola Kosta). Eskualde bakoitzeko herritarrek haien eskualdea hobetzeko bi milioi euro nola inbertitu erabakiko dute. Guztira, datozen lau urteotako foru aurrekontuetako hogei milioi zertan inbertitu erabakiko dute gipuzkoarrek.
Lehen fasean, herritarren ekarpenak jasoko dituzte. Hiru modu daude parte hartzeko:
1-Martxoan Berria-rekin batera etxeetara bidaliko den esku-orria betez. Esku-orriak herriko bilketa puntuetan (Udal egoitzetan) ere eskura daitezke.
2- www.aurrekontuahobetzen.eus webgunearen bidez.
3- Partaidetzako tailerretara joanda. Gipuzkoako Foru Aldundiaren aurrekontuetako bi milioi euro daude mahai gainean. Tailerrera doazen herritarrek haien eskualdea hobetzeko ekarpenak egin ditzakete eta haien ustez eskualderako onuragarriak izan daitezkeen proposamenak egin ditzakete. Antzuolako tailerra, apirilaren 22an, eguaztena, 18:30ean Olaran etxean egingo da.