Omenaldian izan dira Jose Mari Ugalde eta Josefa Okarantza senar-emazteen lagunak eta senideak. Jose Mari Ugalderen anaiak ere bertan izan dira. Ima Beristain alkateak lore sorta eman die Lorentzo Ugalde (85 urte egiteko) eta Agustin Ugalderi (80 urte).
Nagore Dos Santos Gizarte Ongizateko zinegotziak, Olamendikoek herentzian Udalari utzitako aportazioa eskertu gura izan du. "Gizarte zerbitzuetan gastatzeko dirua utzi gura izan diote Udalari. Horri esker, erretiratuendako gimnasia parkea egitea posible izan da. Gainontzeko dirua, oheak, muletak... beharrezko materiala erosteko erabili da. Modu horretan, beharra duen herritarrak ez du itxaron beharko Diputazioak noiz eman ahal izango dion beharrezko materiala", azaldu du.
Hunkituta gogoratu ditu Begoña Aiastui Ugaldek osaba eta izeba: "Euren erabakia izan zen eta guk errespetatu dugu herrirako ona delako. Izeba, etxeko emakume zuzena zen; osaba aldiz, gizartearekin oso gizon konprometitua".