Bizikidetzaren aldeko murala margotu dute Antzuolan

Eskolako patioko kanpoaldeko horma margotu dute hainbat herritarrek aste bukaeran. "Antzuolako eskola omendu gura izan dugu. Metodologia eraikitzailea erabiltzen dute eta eredu da leku askotan. Era berean, eskolaren inguruan, bilobak zailtzen ibiltzen diren aiton-amonak gogora ekarri gura izan ditugu", esan du Ongizate zinegotzi Nagore Dos Santosek.

Egubakoitzean plantilla batekin marraztu zuten margotu beharreko irudia. Zapatuan eta domekan koloreztatu dute. Antzuolako trenbide zaharra, animaliak, ikasleak, jostailuak, panpinak eta beste hainbat elementuk dute tokia eskolako patioan. "Auzolana, elkartasuna, adiskidetasuna... Horiek guztiak islatu gura izan ditugu muralean. Antzuolarron bizikidetzaren murala izango da", dio zinegotziak.

Murala bukatu barik geratu da. Oraindik ez dute zehaztu noiz emango dioten azken ukituak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.