Etorkinak euskarara eta lanaren arlora hurbilduz

(Argazkiak: Arteman)

Banaiz Bagara elkarteko kideak, Antzuolan izan dira Elay enpresa bisitatzen Euskara Plus programaren baitan. Programaren helburua, etorkinei euskarazko komunikazio gaitasunak lanaren arloan hobetzen laguntzean eta lan aukerak zabaltzean datza.

Elayn, euskaraz funtzionatzen duen enpresa baten errealitatea ezagutu dute. Aldi berean lan munduan euskararen normalizazioaz eta migrazioaz hausnartu gura izan dute. 

"Elayko zuzendaritza eta hizkuntza batzordeko kideak jarrera bikaina eskaini digute. Enpresaren balioak eta hizkuntzarako eta kontrataziorako politikak esplikatu dizkigute. Beraien gertutasuna eta erakutsi duten konpromiso sozialak  giroa atsegina  bilakatu  du. Beraiendako, baina, migratzaileen errealitate profesionala eta soziala oraindik ezezagun samarra dela aitortu digute. Gure bisitari esker,  gertutik ezagutzeko aukera izan dute. Guztiok ados, lehenengo pausu bat besterik ez da izan. Elkarbizitzan eta elkarlanean asko dugu elkarri eskaintzeko", azaldu dute Banaiz Bagaratik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.