Udal eta Foru hauteskundeak 2015

Miren Gallastegi aurkeztu dute sozialistek Antzuolako zerrendaburu

Eibarko zinegotzia da 53 urteko Miren Gallastegi eta Antzuolako sozialisten zerrendako buru izango da "Antzuolan politika progresista eta plurala" ezartzeko asmoarekin; "bertako ekonomiaren sustapenean oinarritua" eta "babesgabetuenen defentsan" lan egingo duena. Eredu moduan jarri dute Donostia, Irun, Errenteria ala Eibar moduko udaletan sozialistek egindako kudeaketa "on, zorrotz, garbi eta hutsik gabea".

Eibartarra da, hango Udalean zinegotzi, 53 urte ditu eta abokatua da eta, hain zuzen, arlo horietan izandako esperientziak "Antzuolari proiektu sinesgarria eta lanean eta elkarrizketan oinarritua" eskaini ahal izateko balio diola diote. Hala dio PSE-EE PSOEk zabaldutako oharrean, hain zuzen, "Antzuolan PSE-EEk ordezkatzen duen topalekuari bidea eman" behar zaiola, "Bildu eta Aralarren ereduarekin pairatutakoaren aurrean". Donostia, Irun, Eibar, Errenteria, Pasaia, Andoain ala Zumarragan bezala, sozialisten kudeaketaren eredua ekarri gura du Antzuolara alkategaiak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.