Dokumental emanaldia
Martxoaren 11n, eguaztena, Arrakala dokumentala izango da ikusgai gaztetxean, 18:30ean hasita.
Arrakala, Bilgune Feministak eta Topatu.info komunikazio proiektuak elkarlanean abiatu tako ekimena da. Testigantzetan oinarritutako dokumentala da. Heteroaraua deritzotena gainditzeko asmoz sortutako tresna, ekimena da Arrakala.
Guzti hori, modu parte-hartzaile eta dinamikoan egin gura dute, gainera. Arrakala.net webgunean elkarrizketen aurrerapenak argitaratu dituzte dagoeneko. Baina, egunerokoa ere jasoko da; izan ere, jendea prozesuaren parte izatea du asmo. "Hau beste arrakala baten hasiera besterik ez da. Arrakalak badira eta bagara. Haitza hankaz gora jarri nahi dugulako, lurrikararen beldurrik gabe. Haitzaren ertzetik, mundua arrakalatzera goaz", diote ekimenaren bultzatzaileek.
Guzti honen berri, gertutik, gaztetxean izango duzue eguaztenean, 18:30ean.