Fly Shitek hemeretzi urte beteko ditu aurten. "Betiko ildo beretik jarraitzen dugu baina beste buelta erdi bat eman diogula uste dugu. Asko erritmo ertainak dira, baina, Fly Shiten etiketa ere hor dago: erritmo aldaketak, intentsitate aldaketak... Azken finean, denborak aurrera egin ahala influentzia berriak xurgatzen dituzu eta nahitaez igartzen dira. Eskola zaharreko hardcoretik gatoz, baina hortik hasita hainbat adar ditugu gustuko", diote. Bilbotik datorren Control de Plagas taldea ere indartsu taularatuko da, 22:30ean hasita.
Bergarako hardcore talde mitikoak Barneko ahotsaren bila diskoa kaleratu zuen iazko urrian. Gaur, egubakoitza, gaztetxean Fly Shit taldearen azken laneko kantuak entzungai izango dira; baina, nola ez, betiko kantuei ere lekua egingo diete gaur gaueko kantu zerrendan, 22:30ean hasita.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak