Udal eta Foru hauteskundeak 2015

Beñardo Kortabarria aukeratu dute Antzuolako EH Bilduren alkategai izateko

Maider Arregi 2015ko ots. 13a, 07:00
Beñardo Kortabarria atzean hainbat herrritar dituela.

Antzuolako EH Bilduren alkategai izango da Beñardo Kortabarria datorren agintaldi honetan. Eguaztenean, hilak 11, aurkeztu zuten hainbat herritarren babesarekin. Beñardo Kortabarria kazetari antzuolarra da eta azken urteetan Elhuyarren jardun du lanean. Herrian ezaguna da eta hainbat mugimendutan parte hartu du Kortabarriak.

"Hautagaitza hau, urtarrilaren 8an herritarrekin batera Antzuola aldatzen (h)ari gara izenburuarekin eginiko lehen bileran herritarren proposamenen artean lehenetsia izan zen", azaldu du Antzuolako EH Bilduk. "Lehen batzar horretan gainera, lau urteko agintaldiaren balorazioa ere egin genuen", nabarmendu dute.

Herritarrei deia

Hala, herri programa osatzeko helburuaz, bilerak egingo ditu EH Bilduk herrian. Bigarren bilera, otsailaren 26an, eguena, egingo da Olaran Etxeko aretoan, 18:30ean. Antzuolako EHBilduk herritar guztiak gonbidatu nahi ditu bileran parte har dezaten. "Asmoa da, guztion ekarpenekin guztiona izango den programa eratzea", gaineratu du.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak