Landatxopeko erretiratuek sortutako Ttipi Ttapa elkarteak bere fruituak ematen ari da. Izan ere, egindako irteeretan taldeak topatutako oztopo eta akatsak zeintzuk diren Udalari jakinarazi zizkion iaz. Udalak, positiboki hartu zuen auzolanean erretiratuek egindako lana, eta, erantzuna izaten ari da aurten ere.
Iaz, zenbait konponketa lan egin zituen Udalak; besteak beste, bankuak eta espaloiak konpondu ziren Ttipi Ttapak eskatu moduan. Orain, hilerrirako bidean dagoen hesia konpondu du Udalak. Hain justu ere, hesiari falta zitzaizkion egur xaflak jarri dizkiote hesia guztiz lotuz.
Landatxopekoak oso gustura daude Udalak azaldutako jarrerarekin. "Balorazioa oso ona da; hartu-eman ona izan dugu Udalarekin. Orain, beste talde bat formatzen ari da herriko erretiratu guztien artean Herri Lagunkoiak izenekoa", azaldu du Landatxopek. Hala, Ttipi Ttapa taldeak egindako lanaren erreleboa aurrerantzean, Herri Lagunkoiak taldeak hartuko du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
