Martxa onean doaz auzo-konposta guneetako lanak. Antiguan, Sagastin, Lizarragan, Ibarrondon, San Joxepen eta Errekalden daude guneak eta guztietan lurra botata dago eta egokituta auzo-konposteko ontziak gainean jartzeko. Datorren astean jarriko dituzte ontziak eta zenbait guneetako argiteria jartzeko lanak ere egingo dituzte. Parte-hartzeko izena eman duten 40 familiek ere ikastaroa ondorengo asteetan jasoko dute.
Ondoren, abian izango da auzo-konposta Antzuolan. Harrera ona izan du auzo-konpostak antzuolarren artean. Denen artean adostu dute-eta zeintzuk izango diren guneak. Parte-hartzeaz eta herritarren harrerarekin ere gustura azaldu da Antzuolako alkatea Ima Beristain. Auzo-konposta egiten dutenek %25eko hobaria izango dute zaborraren tasan.