Goizean baina, 11:00etan, herri eskolako ikasleen eta gurasoen eskutik kalejira izango da Errekaldetik abiatuta (euria egiten badu eskolako patioan). Abenduaren 26an, gaztetxean, kontzertuak izango dira: Hibakusha eta Taupada taldeekin. Urte berriari ongi-etorria emateko, urtarrilaren 1ean, Arrolan, salda eta txistorra banatuko da ohiturari eutsiz.
Santo Tomas festa
Abenduaren 21ean, Txistularien kalejira izango da 10:00etan, herriko kaleetan zehar. Gaztetxokokoek Zurrategin txorixo pintxoak jarriko dituzte salgai, 18:30ean; baita Euskararen egunerako eginiko txapak ere.
Abenduaren 22an, astelehenean, Landatxope elkartean txistorrada egingo dute bazkideentzat; karta txapelketako sari banaketa ere egingo dute.
Astelehen arratsaldean, abenduaren 22an, Musika eskolako ikasleek Gabonetako kontzertua eskainiko dute 18:30ean, Torresoroan.
Haur parkea, urtarrilean
Herriko txikitxoek urtarrilaren 4an, domekan, dute haur parkeaz gozatzeko aukera. Ohi moduan, eskolako patioan jarriko dute goizez eta arratsaldez: 11:30etik 13:30era eta 16:30etik 19:30era bitartean, hain zuzen ere.