Bazkide kanpainarekin batutako dirua, bereziki, Uzarragako Igoera finantzatzeko erabiliko dute. "1986. urtean Euskal Herriko Itzuliak utzitako diruarekin dihardugu probak antolatzen. Oraindik badaukagu dirua, baina, guk antolatzen ditugun probak mantendu gura baditugu, bazkideen eta babesleen laguntza behar dugu", diote zuzendaritzakoek.
Bi proba urtero
Aiastui Txirrindulari Elkarteak bi lasterketa –gazteendako Uzarragako Igoera eta 23 urtez azpikoendako Antzuola Saria– eta umeendako challengea antolatzen ditu urtero. Uztailean egiten den Antzuolako Saria Udalak ordaintzen du. Aldiz, Uzarragako Igoera, babesleen diruari esker estaltzen da. "Gaur gaurkoz Uzarragako Igoera ez dago arriskuan, baina diru- iturriak topatzea komeni zaigu etorkizunari begira", diote.