Erantzun ixilak bilatzen dituen bakarrizketa

Imanol Gallego 2014ko aza. 15a, 10:00

Oholtza txiki bat, aktore bakarra eta milaka hitz eta emozio. Etzak lo hartu antzezlanak norberak erantzun beharreko galderak proposatzen ditu. 30 minutu irauten duen bakarrizketan, edonork bere bizitzan zehar bizi izandako egoerak identifikatzen ditu.

Anbulantzia bat, ospitale gela bat eta nerabe bat, galduta dagoen nerabe bat, hori da Etzak lo hartu antzezlanaren abiapuntua. 30 minututan nerabea emozio bidai batean sartuko da, eta berarekin batera Olaran dorrean zeuden ikusleak. Bakarrizketa istripu baten osteko 'shock' egoerak eragindako terapia moduko bat da, eta gazteak, bikote harremanak, homofobia edo maskulinatosunari buruzko bere gogoetak kontatu zituen arretaz entzuten zegoen ikuslego baten aurrean.

Inolako ordenarik gabe guztiok esan ditugun esaldi edo egoerak irudikatu zituen gazteak, gogoetak ikusleari utziz. Emozio eta energia elkartruke interesgarria izan zen atzokoa.

Antzezlan osoan zehar, ikusleak bere besaulkitik mugitu ez ziren arren, apurka-apurka istorioan murgildu eta gaztearen erritmoak astindu zituen.

Solasaldia ostean

Ander Azurmendiren ahotsaren oihartzuna desagertu aurretik, bertaratu zirenekin bi ordu inguruko solasaldia egin zuten, antzerkian jorratutako gaiak eztabaidatzeko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak