Erretiratuen Ttipi Ttapa elkarteak, dagoeneko hiru irteera egin dituzte herriko oztopo eta beharrak batzeko. Jasotakoaren berri eman diote Udalari. "Puntu ezberdinetan argazkiak atera ditugu eta Udalari jakinarazi bilatu ditugun oztopoak zeintzuk izan diren. "Esan beharra dago Udala zenbait neurri hartzen badabilela; banku batzuk konpondu ditu, zulo batzuk tapatu, eta abar. Irteera bakoitzean jasotakoaren akta eta argazkiak Udalera bidaltzen ditugu", azpimarratu dute elkarteko kideek.
Elkartetik balorazio oso positiboa egin dute. Jubilatu elkarteak eskertu nahi du, hiru irteeretan parte hartu duten denei; gonbidapena ere egin nahi diegu urriaren 28an egingo dugun laugarren eta aurtengoz azken irteeran parte har dezaten", gaineratu dute.
Irteera Lodosara
Urriaren 22an Lodosara joango dira Antzuolako erretiratuak (irteera 8:30ean ohiko lekuan). Joan gura dutenek izena eman beharko dute urriaren 14an edo 15ean. Erretiratuen elkarteko bulegoa zabalik izango da 16:00etatik 18:00etara bitartean. Autobusean 60 lagunendako lekua dagoela ohartarazi du Landatxopek. Irteeraren prezioa 30 eurokoa da.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
