Zapatuan, arrakasta izan zuen plater tiroketa txapelketak; Luis Manuel Altubek irabazi zuen. Oihulari Klown taldeak Trosten antzezlana egin zuen ume eta helduendako; "oso ekintza polita"; Jon Gurutz Biteri auzotarraren esanetan, eta giro ederra sortu zuena.
Ekintza jendetsuenetariko bat gauean izan zen: afaria, ia 100 lagunekin; gero, azken urteotako ohitura duten bezala, izozkia jan eta suzko erruberak ikusi zituzten auzotarrek.
Ateri domeka goizean ere
Domekan ere eutsi zion giroak eguerdira arte. Txirrindularien proba, meza eta dantza saioa izan zituzten eguerdira arte. Ordutik aurrera, eguraldiak txarrera egin zuen.
